السلام عليكم ورحمه الله وبركاته
يامعد أشعـار نفحـات البـوادي
جاك مكتوبـي ونبغـى منـك ردّه
به صحيح القول والعلم الوكـادي
من ضميرٍ يالظفيري بـاح سـدّه
صرت محتار القدم والعمر بـادي
سبة اللي غـاب ماشفنـاه مـدّه
صاحـب مالـه نظيـرٍ فالعبـادي
وارثٍ للزيـن مـن جـدّه وعـدّه
كل ماشفت القمـر فالليـل بـادي
أذكر المزيون وأذكر لـون خـدّه
خدّ من صـافٍ بحبـه والـودادي
يرخص الغالي من أجل اللي يودّه
وحال من دون أدعج العينين حادي
ماقدرت أقابله فـي سـوق جـدّه
والغضي موجود وابـلاده إبـلادي
مير كانه غـاب فـي دارٍ مصـدّه
لو رحت لبيتهـم مانـي بغـادي
مير أساس البني قدمي من يهـدّه
والله إني عـارفٍ درب الرشـادي
بس من لطف الحشا فالصدر غدّه
وأنت حرّ أحرار في وقت الهجادي
من سلالة ضدّ من حـاول يضـدّه
الظفيـري يـوم مـدات الأيـادي
فالملاقـى فعلهـم كــلٍ يـعـدّه
محتسين النار في خشم الزنـادي
تطرح الفرسان من فوق الأشـدّه
ومن بعد فرقا الغضي ماني بهادي
ولاش نفـسٍ للمفـارق مستعـدّه
ويش رائك فيه ياسقـم المعـادي
يوم صبري قد تعدى منـه حـدّه
رائكم نبغيه يـدرك لـي قصـادي
يوم بعض الناس رائـه مايسـدّه
وارجو ان تنال اعجابكم ومع تحياتي وسلامي لكم