سألت البدر وكتلة

نزل يمي البدر من شافني ابجي عليك
وصد ليه وتباوع كالي شبيك

مكسور الجناح ودمعتك بالعين
شنو القصه حبيبك دوم ناسيك

وعلامك تكسر الخاطر توالي الليل
بس تبجي وتنوح وعبرتك بيك

كتله يا بدر ليش الحبيب ايخون
وليش اللي توده يريد ياذيك

وليش اللي صغتله ادموعك اكلادات
يبخل ليك دمعه وما يرويك

وليش الجرح من ينزف الم وهموم
وولفك لاهي عنك ما يمر بيك

ولا ينظر لحالك والنزفت عليه
حار ابجرح غيرك ما يداويك
...
ابجرح غيري حبيبي ملتهي بي
وترك جرحي لزماني ملتهب بي
اسف تالي اكتشفته ملتهي بي
يطبك ويا عداي عليه
.....
وكل هذا وكلت يمكن يحنن يوم
وابد ما بعت يوم ودوم شاريك

لكن خبط مايك والزلال البيه
بين طين صار وخبط صافيك

لكن الله يشهد من لحظتي هاي
ما حنن عليك ولا امر بيك

لان طبعك تخون بلا سبب يفلان
وخنت انسان جان بروحه شاريك

.....
ابد عشرت هواكم مرجعلها
ويهل جنتو لروحي مرجع الها
تدري انت عشرتك مرجع الها
فلا تنراد من اغدرت بيه

موضوع: شكرأ الإثنين يونيو 09, 2008 3:34 pm

روعه ابداع تميز مواضيع اسامة

شكرأ اخي على مواضيعك الجميله جدأ
تقبل تحياتي
هشام العراقي

شكراااااا اخوية هشام على ردك الحلووووو تحياتي الك

» طفله سألت معلمتها ياترى ما السؤال