»-(¯`v´¯)-»( شبكة ومنتديات عبير الحب )»-(¯`v´¯)-»
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
»-(¯`v´¯)-»( شبكة ومنتديات عبير الحب )»-(¯`v´¯)-»

احـــلـــى منتدى عربي شامل
 
الرئيسيةأحدث الصورالتسجيلدخول

 

 مجموعة ابو ذيات

اذهب الى الأسفل 
2 مشترك
كاتب الموضوعرسالة
korn
مشرف منتدى الصور
مشرف منتدى الصور
korn


عدد الرسائل : 28
العمر : 37
تاريخ التسجيل : 08/04/2008

مجموعة ابو ذيات Empty
مُساهمةموضوع: مجموعة ابو ذيات   مجموعة ابو ذيات I_icon_minitimeالثلاثاء أبريل 08, 2008 8:46 am

<HR style="COLOR: #e3e6e8" SIZE=1>


ولوة هاية وأعينة
بلوة هاية
إنعمت هاي إعلة مودة
بل وهاية
ويكلي شبيك ماتبجي علية
_________________
إششفنة من عمرنه
شفتهمنة
وهمنة إكبال عينك
شفتة همنة
ذبحنة وفوك ذبحة
شو تهمنة
يكلهم بالذبح تعبولي أدية
_________________
أحباب ألروح كلبو فرد كلبة
ووكتنة إبلون نص الليل كلبة
دفعني وإنكلبت شلون كلبة
وسحكني ومن عثر ظل يسب بية
_________________
يدنية وياي بعد وبعد
جدي
وعلي صيحي بعالي ألصوت
جدي
هجمتي بيت أبوي وبيت
جدي
وأنة إبلا بيت شتهجمين اليه
_________________
كبل من أصل طيب فرعينة
هسة ألعكل طاحت فرعينة
ألوكت يخزر علية فر عينة
درت عيني وبقت عينة علية
_________________
ألعتب عالكتب هل دستور
عل سن
بوطنة زعلت ألضحكات
عل سن
إعلاسة وألشعب معلوس
علسن
وقفلتة وإنعلس قفل ألبوذية
_________________
ألضم خيط حبك وندفاني
وأون بشتة فراكك وندفاني
عدل وأصرخ وصيحن وندفاني
بلكت تصدف وتخطف علية
_________________
موش إحنة بحلاتك منتمرنة
دمرنة وضوك وشبع منتمرنة
نطشلك واهلية من تمرنة
ونحط جادر إذا مابيك جية
_________________
علية مخلبصات هواي ماحيل
ولا حيل ألبقة بفركاك ماحيل
تولتني ألشماتة حيل ماحيل
وأنة وياهم أصيحن حيل بية
_________________
باد ألحيل وأتعس بيدة هاية
وطلع ماكر حبيبي وبي دهاية
سالمني وشبكني بيدة هاية
وبيدة ألثانية يأشر علية
_________________
إشفافك عسل حصتي
مرة منهن
وكطعلي جلاي سهمك
مرة منهن
إشكم مرة لحكتك
ومرة منهن
مو أنت إطلعت وشصار بية
_________________
إبحبك مرة أأيس مرة مني
سهامك عيد عدي مرة مني
مرة ألزعل منك مرة مني
ومرة إثنينة نزعل علية
_________________
أحب نيران من حبك دفني
وأموت وأحيا لوجفك دفني
تريد آني آخذك منك دفني
إبدمي تدور شيلزمك بدية
_________________
عليك ألقيت حجة وألقيامة
وياما براسك أقرة وألقيامة تدري ألحشر شنهي وألقيامة
ألقيامة وألحشر زعلك علية
_________________
ألوجود إشفرقة كلي منعدمنة
وشمل منع ألتجول منعدمنة
تدري ليش إحنة منعدمنة
لإن موتة إنولدنة إعلة ألوطية
_________________
قضية أسمك على أسمك
ماشخطنة
إزدحام إحنة إعلة دربك
ماشخطنة
إشتظن من كد حلاتك
ماشخطنة
أليشوفك ينشخط مية بالمية
_________________
عسل وبحلكي وكتي مرجعلكم
ومرجعكم لكلبي
ومرجعلكم
صرت آية بهواكم
ومرجعلكم
خذيتو منين فتوة وخنتو بية
_________________
أراوي إجروح كلبي بيكراوي
ألعشك كروة تعبانة وبيكراوي
أجذب من أكلهم بيكراوي
أنة ألعطشان وإنت من آل أمية
_________________
مدلل ماتهيد أنت وناهد
وتكظني حيل متهدني وناهد
علي إتهد وكومنلك وناهد
وأصير وياك حتى إنهد علية
_________________
مو خالي ألم روحي بيشلمها
أبألمها إنشل إبوهة وبيشلمها
أصابيعي إنبترت بيشلمها
وبيش أكتب قفل هاي ألبوذية
_________________
إبعدت زميت عنك شلزماني
كصرن حيل شلهن شلزماني بعد مالوح ألزمك شلزماني
إذا حتى علي متلوح أدية
_________________
بونيني صدعيت ألجبل وشجيت
يمن طريت كلبي عليك وشجيت
إلك حن ودفعني وجيت شجيت
إجيتك لا كلب لا روح بية
_________________
أنة ألزايعني وكتي ونتزعلك
منو من كلبي جرك ونتزعلك
علي كل زعل هين ونتزعلك
يزعلني بحيث أزعل علية
_________________
شتة فراك ألأحبهم يمداني
وغدرهم كمت أحسة يمداني
حتى من أغم كصتي يمداني
أحس إبكصتي تتبعد علية
________________ شك روحي
وكصرتلك
ونفس وكت ألمنازعصراير عشك روحي
وكصرتلك
ونفس وكت ألمنازع
وكصرتلك
طويل وأعلة منك
وكصرتلك
حتى تلوح من تبوس أدية
صراير عشك روحي
وكصرتلك
ونفس وكت ألمنازع
وكصرتلك
طويل وأعلة منك
وكصرتلك
حتى تلوح من تبوس أدية

_________________
لا فاتحلي باب ألحب ولاصاك
إنلاصت دهري لايصهة ولاصاك
حلو ماشفت أنة مثلك ولاصاك
ولا واحد شفت مثلي خطية
_________________
ها تعبني حبك هايذاني
دخت ها ياصلاتي هايذاني
إكول ألتوبة ما حب هايذاني
أهد إذني ويرد حبك علية
_________________
فال ألخير مامرة فول لي
حبك هم ترس كلبي فول لي
إذا ماعاجبك فشطح فولي
بس إبشرط خنولي سوية
_________________
هيمة أنت وغشيم ألكلب
طرك
تطرة وذكرى حلوة يكول طرك
لساني ردت أكلك فلك
طرك
صحيح الفلك طرني وخان بية
_________________
تك تك مايصيح ألكلب بس تك
وأنة عندي جنح مكسور بس تك
بس آنة طرت من يوم بستك
وطحت وإلتمت ألوادم علية
_________________
يبني إقصورة بس لتظن
بنادم
إنجرحنة ولجن مابين
بنادم
أبن آدم ما أظن يطلع
بنادم
إذا حوة إطلعت موش آدمية
_________________
إعلة غيرك ما يوش كلبي
وشعليك
أضوج إمن أسمع ألواشي
وشعليك
إشعلية تكول إذا اكلك
وشعليك
وأظن شعليك هم تهوة إشعلية
_________________
إصطفاف الكلب واكف مصطفالك
وأبد ماخبط كلش
مصطفالك
وكالولي خيعونك
مصطفالك
حقهم مادرو بدل عليه
_________________
أكيد إنت إنفضح سرك
وشعلاك
وأكيد إنت أكو واشي
وشعلاك
زين أوللطبخ حركك
وشعلاك
صفيت إرماد أنه يدوسون بية
_________________
الدهر مايوم شفتة
باسمنة
وباسك آنه آخذ
باسي منة
جفك كون أحصل
باسمنة
فخر ليه وترد الروح بيه
_________________
جنت مره منمرلك تمر مرات
محبتك كبل حلوه وحيل مرات
لذلك طلكتها ثلث مرات
حته الرجعه لك تحرم علية
_________________
منك دوختي وسكري ونشواي
ونته تاكل بجبدي ونشواي
ونته واجه خدودك ونشواي
أنه كلبي اليوج من تمر بية
_________________
أفتك من هواك شلون شفتك
تتمشه إويه غيري اليوم شفتك
شفت شفته قريبه إتلوح شفتك
وأخذ منك حلك وشصار بية
_________________
حرت مابين أتاني ماأتاني
ومو ميه الشماته مائتاني
أتاني والأريده ما أتاني
إجة الما رايدة ووغف علية
_________________
الشماته شاعليني
ونته شعليك
سكر كلبي بمحبتك
ونتشه إعليك
أنه شبيدي إشعلية
ونته شعليك
شيطانك عشك شيطان بية
_________________
الطفل عاداني لجلك
شبعداني
إحترك كلشي إعله مودك شبعداني
ومدامك إنت آني
شبعد آني
شلون يصير آنه أبعد علية
_________________
أنه اللميتك وأكدر لطشلك
نطيني شما إلي وآنة لطشلك
لأن حسيت اكو واحد لطشلك
وأخاف تحبة وتبدل عليه
_________________
إنهدم أعلاك ياكلبي فتنصاك
لغيري أنفتحت بوجهي فتنصك
شسولف دخت دوخني فتآصاك
طحت عل كاع من باوع علية
_________________
أنة متانيك وينك بسمر أنتة
خشبه الروح صارت بسمر إنتة
حلاه مابيك كلش بسمر إنتة
وموت أعليك لو كلك اذية
_________________
حبك ياترف سلني علاني
وخله اللي كبل حدري علاني
زعلت إنت وزعلت آني علاني
ولحد الآن أنة مبدل علية
_________________
رغم كل الهموم العلي راسن
عشت مرفوع مادنكت راسن
ومن إنت ازعلت فجأتن راسن
رأسن راسي دنك بين ادية
_________________
لسانك لو تحبني شاطراني
أكرهة الذي بحبك شاطراني
خذت 100 بمحبتك شاطراني
إذن غصبن عليك تصير إلية
_________________
أخذ كل دمي من ينشف وريدك
أموت أعليك أنة مسودن وريدك
أديه مسودنه وتفتر وريدك
وفضل منك تحط ايدك بدية
_________________
يعالي شنزلك للكاع
ونصاك
إنقفل باب الفرح فد نوب ونصاك
ون إعله المشو بس كون
ون صاك
مو بس إسمه ون وهاي هيه
_________________
حلو كلبي يصاحب من تمر بيه
لجن مر صار منك منت مربيه
ظلمه الدرب هندس من تمر بيه
يطك خدك ابلوجكتر عليه
_________________
يكر بيه العشك شكدر
شكر بي
كتاب من الصبر عندي
شكر بي
شورطني وبست خدك
شكر بي
بسته ومرض سكر صار بيه
_________________
الوكت بيك بطلابه طالباني
يشدك وآنه أحلك طالباني
وآنه إستاذ لتظن طالباني
وسؤال إنت وطحت مابين إدية
[/size]
[/size]
الرجوع الى أعلى الصفحة اذهب الى الأسفل
عاشق الساهر
النــــائــب العـــام للمــــديــر العـــام
النــــائــب العـــام للمــــديــر العـــام
عاشق الساهر


عدد الرسائل : 291
العمر : 35
تاريخ التسجيل : 09/06/2008

مجموعة ابو ذيات Empty
مُساهمةموضوع: رد: مجموعة ابو ذيات   مجموعة ابو ذيات I_icon_minitimeالأربعاء يونيو 11, 2008 6:51 am

شكراااااا اخوية على الابوذيات التخبل تقبل مروري وتحياتي آســــامـــة آلــــ ع ــــزآوي
الرجوع الى أعلى الصفحة اذهب الى الأسفل
 
مجموعة ابو ذيات
الرجوع الى أعلى الصفحة 
صفحة 1 من اصل 1
 مواضيع مماثلة
-
» احلى ابو ذيات
» مجموعة رسائل مميزة

صلاحيات هذا المنتدى:لاتستطيع الرد على المواضيع في هذا المنتدى
»-(¯`v´¯)-»( شبكة ومنتديات عبير الحب )»-(¯`v´¯)-» :: ألقسم ألادبي :: منتدى ألشعر ألشعبي-
انتقل الى: