»-(¯`v´¯)-»( شبكة ومنتديات عبير الحب )»-(¯`v´¯)-»

احـــلـــى منتدى عربي شامل
 
الرئيسيةمكتبة الصورس .و .جبحـثالتسجيلالأعضاءالمجموعاتدخول

شاطر | 
 

 بطعم اللقا

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
مصطفى الحزين
أسطورة جديده
avatar

عدد الرسائل : 47
تاريخ التسجيل : 05/10/2007

مُساهمةموضوع: بطعم اللقا   الثلاثاء يونيو 17, 2008 4:39 pm

:cheers: بكره ...
هتعتزل المدينة اللعب بقلوبنا
كل اللي كانوا بيحسدونا هيشعروا بالفرح
كل اللي كانوا بيحلمونا هيشعروا بالجرح
ميدان عرابي هينفطر قلبه
وتنزل دمعة الملاحة ف الكورنيش



بكره...
توبنا القماش هيحط أوجاعه ف مقص
بكره الخواتم
هتجهض حلمها بالفص
بكره
ليا عندك تكتبي اخر سيناريو
وليكي عندي هامنحك
اول خروج عالنص


بكره ...
هسامح نفسي عالبوستين
وعاللمسة اللي كانت عالخدود غلطة
قربك وبعدك جلطة ف الحالتين
خليني اداوي الجلطة ... بالجلطة
ماعرفش ليه ؟
مش قادر انسي جرحك المره دي
وكانه أول جرح ييجي من سنين
تلات مشاهد مستحيل اصدقهم
انتي بدوني
والسما من غير مطر
وقلب ابويا بدون سورة يس

بكره ...
هيلبس أغسطس حلمنا بالبرد
ويرفضنا اللقا علي ناصية الشارع
والجرح يقفشنا زي العيال
الهربانين من المدرسة
كان قلبي ويا الناس نخيل
ومعاكي محنيلك
كان زي واحد
بقاله كام سنة عطشان
فجأة لمح نيلك
قسّمني قلبك حتتين
ورضيت بتقسيمته
كان نبض قلبي جوه مني
يدق بالثانية
ومعاكي بس يدق بالفيمتو



بكره...
صفحه واحد ف الجرايد
تكتب الاخبار
وهنشتهر أكتر من اللازم
هيحطوا قصتنا ف كتب
وهوانا ف ملازم
هيقولوا واحد دخل ف القصه
وحسدهم
ويقولوا عاشوا غرام
لما الفراق سادهم
لكن مادامت قلوبنا اختارت الفرقة
منين نجيب مينا... علشان يوحدهم
ليكي عليا
هالملك حاجتك
تلات سنين ثانوي
وتلاتة كلية
خمس جرايد معارضه وواحده قوميه
ونص قلب شمال
مع صورة وهدية
وكتاب فلك
وحزام ماهوش ناسف
ليكي عليا هالمهم
وهاقولهم آسف
وأفرط مشاعري م الحنان والفيض
واسأل سؤالي المتهم فيا
ازاي أكون شايل بطاقة
وقلبي ساقط قيد
من بكرة محتاجة واحد
يحتويكي صحيح
شخص غيري يبقي شمس وريح
من بكره
محتاجه واحد يبقه نصه ذنوب
ونصه التاني عايز يبقي فيكي مسيح
ومش هتلاقي غيري اللي يعمل كل ده
علشان كده
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
husham
ألـــمـــديـــر ألـــعــــام
ألـــمـــديـــر ألـــعــــام
avatar

عدد الرسائل : 352
تاريخ التسجيل : 02/10/2007

مُساهمةموضوع: شكرأ   الأربعاء يونيو 18, 2008 2:59 am

(`'•.¸(` '•. ¸ * ¸.•'´)¸.•'´)
«السلام عليكم و رحمة الله تعالى و بركاته »
«.¸. شكرا لك اخي عــلى الموضوع. ¸.»
«´¨`.¸.* بارك الله فيك *. ¸.´¨`»
«´¨` في إنتظار جديديك و تميزك ´¨`»
(¸. •'´(¸.•'´ * `'•.¸)`'•.¸)

تحياتي الك
هشام العراقي

_________________




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://3-al7oob.ahlamontada.com
 
بطعم اللقا
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
»-(¯`v´¯)-»( شبكة ومنتديات عبير الحب )»-(¯`v´¯)-» :: ألقسم ألادبي :: منتدى ألشعر ألعربي-
انتقل الى: