قصيدة ليش انتة وي اليبجيك

--------------------------------------------------------------------------------

ليش انته ويه اليحبك هيج تتعامل
خل نحجي الصراحةوكافي نتجامل
خل نحجي الصراحة ونحجي بالمكشوف
نفك اصدورنه والكلب حته نشوف
نشوف بلاحرج منهو اليحب ويموت
وتصحه حالته لو مره ولفه يفوت
اوصف حالتي كلبي عبر صبره
يتمنه يموت وببابك يحط كبره
حته من تمر عل الكبر ونته تروح
تحس بهل الكلب باقي بعد بي روح
ادوس اعله الكلب امرك تره مسموح
بلكي بدوستك مطيب خطيره اجروح
هسه انه عندك هم صدك مقبول
اسمعه بصراحه رايك انته اتكول
كول ولاتمازح رايك انته وياي
رايك لو عسل لو سم اشربه بماي
بلكت بالعسل رايك ورايي ايصير
كالاه الكلب بس خانه التعبير
رايك من تسم شربني سم بهداي
بلكت يلمحب كلبي يموت وياي
تدريه الكلب عنك فلا غادر
حبك بيه وحبك ذهب نادر
عيش وتحمل هل الحمل مطلوب
هوايه اتحملت هم مثلي هيج اكلوب
ليش انته ويه اليحبك هيج تتعامل
خل نحجي الصراحةوكافي نتجامل

هذه القصيدة من كتاباتي ( الشاعر ميثم الرحماوي)

شكراااااا يا ميثم على القصيدة الحلوة وكلام رائع جداااا تقبل تحياتي