دارميات عراقيه

حرت شكتب ياقصيده حرت شكتب يا كلام *** أنت لو تعرف معزتك جان ليلك ما تنام


لو ردت أعد أعزاز لا ترفع أيدك *** هي المعزه تكوم وتكول أريدك


مغيم دليلي عليك يمطر الك دم *** لا يرضه جرحه يطيب لا يرضه يلتم


أكطع وأجيك باليل وتعاتب وياك *** ملهوفه كلش حيل روحي على ملكاك
اغلطت غلطه وياك حبيتك انه *** بس شيرده اليوم كلبي لمجانه
بعدك يبعد الروح فتتلي المراره *** رحمه الوالديك سويلي چاره

بيش ابجي وانت العين ماخذهة وياك *** ردهه ارد افيض الكون كلة على فركاك

وحدي بحزن مهموم وتوسد الليل *** وشهك انا بذكراك يالماخذ الحيل


لوعات الي بفركاك يا اغلى ناسي *** و طول الوكت انعاك يا بعد راسي


جد حبي و الله وياك مو لعبت جعاب *** و انته التعرفه زين مو طبعي جذاب


دليني وين الكاك يالظعت عني *** سائلت كل الكون محد نشدني

حل عني كافي هموم كافي مناحه *** من الصبح لليل جذب اوكاحه


دوم انته عني بعيد و انا الكريبه *** ليش اليحب يفلان ينسه حبيبه


و الله القهر بالحب و انصح العشاق *** كلمن كتب بالحب يشكشك الاوراق


مجبوره هايه الروح تنسى اليودها *** و تمشي ورا الشمات للموت اخذها


كل عقلك اني اندار عنك واصد غاد؟ *** بس انوي اريد انساك تهجرني بغداد


اصفن واحاجي الروح وين احنه جنه *** هم ترجع الايام ويلتم شملنه ؟؟؟


كوكل يدور عليك يوميه يفتر *** وين انته واتعناك لا تبقه مغتر


كوكل يدور عليك والياهو وياه *** صوره اله بوسط العين وتگلي انساه

انته الصبر وياك مثل الحلاوه *** من كثر ما بالروح عندك غلاوه


اصبر صبر ايوب واتحدى روحي *** واللعب عليه اليوم زيد جروحي
اهلا وسهلا بيك ياتاج راسي *** علعهد انا وياك لاتظن ناسي


علعهد انا وياك للموت اتانيك *** بس لا تزل وياي تدريني شاريك


بس لا تزل وياي افديلك الروح *** وانته التطفي النار وداوي الجروح

اذكرنه مره شبيك واتصل بينه *** هنه عشر سنتات يغلن علينه


تلبس حجاب شلون تلبس بناطير *** والحمره والمكياج انطيني تفسير؟


لو تدري من فرگاك شنهي الجرالي *** جثه وبديك الروح صدگ يغالي

شكرااااا اخوية تحياتي الك