ابو ذيه عراقي

آنـه بعشــرتي و حبـي عراقيـي
والحـب و الوفــه يملـي عراقــي
حبيــبي و موطـني و جنسيـتي عراقـي
وأبد مالــه مثيــل أعلـه الوطيـة
أني الي مثل ميل الساعه وميلان
وضربتي خط عدل مابيهه ميلان
واني الي جنت العب لللانتر وميلان
وهورا ابن ملا كام يتفيك عليه

صرت طوبة ولعبني ريال مدريد
مدري اللعب جان بجدم مدر يد
لتريد الجزر مرة مد ريد
وخلي بحر الوفه طوفان مية
شما تصعد تكول اشعار علمنصه
خل كلبك يقل نبضه علمه نصه
لأن حجيك حكم ودروس علم نصه
علاج تصير للعلته سريه
غيابك فتت المهجة وسلها
وسهم هجرك مرد روحي وسلها
نجوم الليل حلفها وسلها
حرام النوم عكبك مر علية
حبيبي لاتشد راسك سلامات
مريض وجتني علومك سلامات
الناس اتعاركت طلعت سلاامات
وانا الحاجوز ست فشخات بية
يا حاكم ليش حكمك ضلم وياي
شباب وما يلوك السجن وياي
اريد تنام ليلة بسجن وياي
تعوف الحكم والحاكمية
اريد انصب عزة لنفسي وقيمة
لان ماضل لي قدر يمكم وقيمة
الناس مبربعة تمن وقيمة
وانه مركة الهوه حسرة علية...
عفت روحي لمصايبهه لهاحال
نحيله ويخضع الشامت لها حال
تگول الناس كل محنه لها حال
خلصت روحي ومحنتي ذيچ هيه
الهيبه بس الك ربك وهبها
انسام الخير من وجهك وهبها
امر دارك يابو النخوه وهبها
شهم والطيب الك صاير سجيه

**** **** ****

الك جم ذنب ودموعي محنه
ونسبت وبعد ما توصل محنه
كلبي يفيض لوصالك محنه
وشيصبر الحنينة اصبح سجيه

**** **** ****

يباري المرض هد حيلي وهدني
ولايوم ابتعد عني وهدني
ارشدني الرحمتك يارب وهدني
طريح افراش والعله خفيه

لجل حبچ سهر جفني ورج لچ(يبچي الچ)
وعساها ايدينچ انشلن ورجلچ
دعيت الله تموتي انتي ورجلچ
وابوچ يموت وي امچ سويــه

**** **** ****

عكب عينك عليًَ دنياي جدت
لعب وية غيري بس وياي جدت
وأنت تدري ايدي ابد ما يوم جدت
بهجرك راح أمد اثنين اديه

**** **** ****

قلب صافي لوتدري كلبنة
ابد ما يوم عل الغالي كلبنة
احنة ضلوع الك وانت كلبنة
ونخاف على الكلب من كل اذية

**** **** ****

ابد مايوم كلبي الفرح طبله
معلعل ما لكه ياناس طبله
ثنه ركبه زماني ودكله طبله
وكض سبحه وركص جوبي عليه
ترف شامة اعلى خدة بيرة بيهة
وجنتةالدمع حافر بيرة بيهة
ضكت طعم الشفايف بيرة بيهة
بستهن والسكر بين علية

**** **** ****

أنه الميت بطعناتك شعـــــدلاك
وحده اثنين شحسبلك شعـــــدلاك
عوج من جدمك لراسك شعـــــدلاك
عدلتك وانگطعت أبين أديه

**** **** ****

تهت ما تعرف الباعك والشراك
مثل طير الوكع بالفخ والشراك
دجوز من الكفر والشك والاشراك
وشوف الله بمحبتة اشلون نيه

**** **** ****

طمني عساك ابخير يالغالي وسلامه
واجمل تحيه الكلب يبعثلك وسلامه
نموت احنه وتعيش انت ابسلامه
ونظحي برواحنه الروك هديه
افكر بيك يا حبي ولا انام
ولا غمض جفن عيني ولا نـام
احب اكعد يمك ولا نــــام
بعيد وشوفتك حسرة عليــة
ابد ما زلزلك حالي وهدك
عفاه شيحمل الكلفة وهدك
قصدي بس اصيدنّك وهدك
و أريد تصير حر وترد الية

***** ***** *****

افهمه بعشكي بالنظره و لا حس
و لا صوت الطلع منه و لا حس
قبل جنت حساس بس هسه و لا حس
من اشوفه ما يضل احساس بيه

***** ***** *****

الغدر هذا يا حلوه مو طبيعي
احبج والله حب مو طبيعي
من شفافج الحلوه موطه بيعي
عشر اكواب حاجز بس اليه

***** ***** *****

اريد ابتعد عن الشوك وخلاص
واشرد من غرام احلام واخلاص
بعد ما ظل وفه ايهل وكت واخلاص
وصفوا اهل العشك كلهم سويه

***** ***** *****

قلب صافي لوتدري قلبنة
ابد فد يوم عل الغالي قلبنة
احنة ضلوع الك وانت قلبنة
ونخاف على القلب من كل اذية
تبنه من العشك واردود عدنه
وحسبنه سنين مره وتاه عدنه
هوايه بل السلف حلوات عدنه
ايلعبن علي جوده وكراتيه



يلوم المادره اب روحي شمرهه
ما غير الدهر عن ودكم شمرهه
ليالي فراكم والله علي شمرهه
ابجي من يمر طاريكم عليه
انا الصياد صادتني شبكتك
دخيل الله شكثر حلوة شبكتك
ادك عليك مشغولة شبكتك
كتلك بالجذب بس رمش عليه