السلام عليكم
اليوم حبيت اذكر حالة بصراحة اني شخصيا اضوج منها واشوف شنو رايكم بيها
اني ملاحظه اغلب العراقيين المغتربين بالدول العربية يحاولون يغيرون لهجتهم ويتقمصون لهجة البلد المقيمين بي والحجة على اساس لهجتنا العراقية مامفهومة في حين تلاحظ اخوانا العرب متمسكين بلهجتهم بكل مكان يسافرون بي ومعتزين بيها
زين هو شنو الفرق مثل مانحاول احنا نفهم الكلمات المصرية والسورية وغيرها اكيد همه هم راح يحاولون يفهمون لهجتنا العراقية وكلماتنا شوية شوية
اني اعتبر الحفاظ على الهجة العراقية هو جزء من الاحتفاظ بالهوية الوطنية خارج البلد