قصيدة من حواء لآدم
--------------------------------------------------------------------------------
تصيح تقول ياحرمه .. تحسب إنك تعايرنـي !!
شنبك اللي تفاخربه .. ترى اللي جابته حرمـه
تصدق كذبتك دايم .. مبـادئ حيـل تقهرنـي
( نقص عقلك مع دينك ) ترى مليت هالكلمـه
ياجاهل فتح عيونك .. ياويلك لـو تصاغرنـي
غضب تهديد وإستلمّه .. وسمّه اللي تبي سمّه
أنا مليت من ظلمك ياآدم وش تصورنـي !!
أذا إني ناقصه بعينك وداعي منتهي الحكمـه
تراني ساكته بكيفـي .. نصيحـه لاتفجرنـي
غضب شيطان ماميز .. مابين الخال والعمـه
عيوبي طيبتي وقلبي حنان وشوق يجبرنـي
على عكسك تجي قاسي وكلن راضي بسلمـه
حسافه وقتي الفايت تذكّـر يـوم تِسهِرنـي
علي قولة انا عاشق وحبك صابنـي سهمّـه
تذكّر يوم لي تركض تقول يازيـن آمرنـي
علي سنة رسول الله أشيـل الحمل وآزمّـه
فرحت وقلت هذا اللي أبي في ظلّـه يسترنـي
إذا ضاقت بي الدنيا .. مسـح دمعاتـي بكمـه
أبي أنسى به الدنيا وأبي بالحـب يشعرنـي
أبيه يكون لي فرحه إذا زاد الزمـن همـه
لكن للآسف غلطـه وهـم كـذاب ساورنـي
جزاتي والثمن عمري .. وقتلت بخافقي حلمه
موضوع: من حوااااااء.. الى ادم.. 
الثلاثاء يونيو 17, 2008 1:14 pm
